დიროფილარიოზი

15:09, 23 დეკემბერი 2022-ის ვერსია

დიროფილარიოზი - (dirofilariosis; აღმძვრელის გვარის დასახელებაDirofilaria + osis დაავადება) – ხორცისმჭამელი ცხოველების ჰელმინთოზი. აღმძვრელები – Dirofilaria-ს გვარის ნემატოდები პარაზიტობენ სისხლძარღვთა სისტემაში ან კანქვეშა უჯრედისში. დიროფილარიოზი უპირატესად გავრცელებულია სამხრეთის ქვეყნებში. გულის დაინვაზიებისას აღინიშნება ქრონიკული ხველა, ცხოველი ძლიერ ხდება. ვითარდება გულის უკმარისობის ნიშნები: გართულებული ხშირი სუნთქვა, შუილი გულში, კოლაფსი – დატვირთვის შემდეგ. შეიმჩნევა ნაწლავების დახშობის, ასციტის, ფილტვების, თირკმელებისა და სხეულის სხვადასხვა უბნის შეშუპების მოვლენები. ზოგჯერ აღინიშნება ეკზემატოზური დერმატიტი ქავილით. კანქვეშა უჯრედისის დიროფილარიოზის დროს ქვეითდება მადა, ნაკვებობა, ცხოველი სწრაფად იღლება. ხშირად მას თავი მიტრიალებული აქვს ერთ მხარეს, ვითარდება კიდურების პარეზი, ზოგჯერ – ასციტი. ცხოველი იღუპება ძლიერი კახექსიისა და სრული დამბლის განვითარების შედეგად.

წყარო

სავეტერინარო პარაზიტოლოგიის ტერმინთა ლექსიკონი