ანუშავან სოსანვერი

13:58, 5 ივლისი 2017-ის ვერსია

ანუშავან სოსანვერ-ი (სომხ. Անուշավան Սոսանվեր) – არა გეხეციკის შვილიშვილი, სიბრძნით დაჯილდოებული ჭაბუკი, ჭადრის ან არმავირთან ახლომდებარე ჭადრთა წმინდა კორომის განსახიერება სომხურ მითოლოგიაში; მას, როგორც წმინდა ჭადრის სულს, მომავლის საწინასწარმეტყველოდ მიმართავდნენ (კორომში ხის ფოთლების შრიალით მკითხაობდნენ).

სახელის პირველი ნაწილი ირანულ ანუშირვანს („უკვდავი სული“) უკავშირდება, მეორე კი – ორსეგმენტიანი სომხური სიტყვაა: սոսի – „ჭადარი“, նվեր – „ნიჭი“, „კურთხევა“. სახელის ეტიმოლოგიიდან გამომდინარე, მიაჩნიათ, რომ ანუშავან სოსანვერი მცენარეულობის აღორძინების ციკლურობასთან იყო ასოცირებული.

ლიტერატურა

• Ананикян М. А. Мифы Армении. М., 2010;
• Арутюнян С. Б. Анушаван сосанвер // Мифологический словарь. Главный редактор Е. М. Мелетинский. М., 1991.

წყარო

ნუგზარ ანთელავა. კავკასიის ხალხთა მითები და რიტუალები. - გამომცემლობა „უნივერსალი“,- თბილისი2017