პეტრე პატრიკიოსი

მიმდინარე ცვლილება 02:24, 30 ივნისი 2024 მდგომარეობით

პეტრე პატრიკიოსი – (დაახლოებით 500-562), ცნობილი ბიზანტიელი დახელოვნებული დიპლომატი, მჭევრმეტყველი და ისტორიკოსი. პეტრემ პატრიკიოსის პატივი 550 მიიღო. 534 იუსტინიანე კეისარმა ის ელჩად მიავლინა ოსტგუთების დედოფალ ამალასუნთასთან, 550 პეტრე ხოსრო ანუ შირვან პირველთან გაიგზავნა სპარსეთში (ირანში) საზავო მოლაპარაკებისათვის. 562 პეტრე ქ. დარაბში აწარმოებს საზავო მოლაპარაკებას ირანის ელჩობასთან, სადაც გადაწყდა, რომ ირანელები ბიზანტიელებს უთმობდნენ ლაზიკას (ეგრისს) სვანეთის გარეშე. სვანეთის დაბრუნებისათვის პეტრე მოლაპარაკებას აგრძელებს ქ. ბითარმაისში ირანის შაჰ ხოსრო ანუ შირვან I-თან, მაგრამ უშედეგოდ.

[რედაქტირება] წყარო

• ქართული დიპლომატიური ლექსიკონი