მაჭავარიანი ლადო

14:26, 28 მარტი 2022-ის ვერსია

მაჭავარიანი ლადო — (1893 − 1939), ქართველი მწერალი და პოეტი. დაიბადა სოფელ ოლემში (ზესტაფონი). დაამთავრა თსუ-ს ისტორიის ფაკულტეტი. ეწეოდა პედაგოგიურ მოღვაწეობას; პირველი ლექსი 1910 წელს გამოაქვეყნა; 1916 წელს რედაქტორობდა თავისივე ჟურნალ „აისს”; 1921 წლიდან თანამშრომლობდა სხვადასხვა საბჭოთა ჟურნალგაზეთებში, მათ შორის: „პოეზიის დღე”, „ქართული მწერლობა”, „მნათობი”, „სალიტერატურო გაზეთი”; მისი პირველი ლექსი „მთის ყვავილი” დაიბეჭდა გაზეთ „ერში”; 1924 წელს გამოსცა პირველი ლექსთა კრებული „სარკოფაგები”.

ტრიოლეტი

მარგალიტები და გიშრები რომ ატირდება,

იაგუნდები დაიმსხვრევა ზურმუხტ-ლალებად,

ჩუმი სიმღერა დატყდება და ანაფირდება,

მარგალიტები და გიშრები რომ ატირდება,

ზამთრის თვალები ზღაპრების თქმას მე დამპირდება

დაილევიან ვარსკვლავები მზის ვალალებად,

მარგალიტები და გიშრები რომ ატირდება,

იაგუნდები დაიმსხვრევა ზურმუხტ-ლალებად.

წყარო

ქართველი პოეტები (ენციკლოპედია)