ანტონ ფურცელაძის სახლი არბოში
| ხაზი 1: | ხაზი 1: | ||
| − | [[ფაილი:Anton furcelaZis saxli.jpg|thumb|250პქ|ანტონ ფურცელაძის სახლი არბოში]] | + | [[ფაილი:Anton furcelaZis saxli 1.jpg|thumb|250პქ|ანტონ ფურცელაძის სახლი არბოში]] |
'''ანტონ ფურცელაძის სახლი''' - [[ქართველები|ქართველი]] მწერლისა და საზოგადო მოღვაწის, ანტონ ფურცელაძის სახლი მდებარეობს [[საქართველო|საქართველოში]], [[გორი]]ს მუნიციპალიტეტში სოფელ არბოში გუმბათიანი ეკლესიის მახლობლად. | '''ანტონ ფურცელაძის სახლი''' - [[ქართველები|ქართველი]] მწერლისა და საზოგადო მოღვაწის, ანტონ ფურცელაძის სახლი მდებარეობს [[საქართველო|საქართველოში]], [[გორი]]ს მუნიციპალიტეტში სოფელ არბოში გუმბათიანი ეკლესიის მახლობლად. | ||
19:08, 27 ივნისი 2020-ის ვერსია
ანტონ ფურცელაძის სახლი - ქართველი მწერლისა და საზოგადო მოღვაწის, ანტონ ფურცელაძის სახლი მდებარეობს საქართველოში, გორის მუნიციპალიტეტში სოფელ არბოში გუმბათიანი ეკლესიის მახლობლად.
ანტონ ფურცელაძის სახლი (22,6X12,2 მ) ორსართულიანია, ნაგებია აგურითა და ნატეხი ქვით. შენობა სახეშეცვლილია: მთლიანად მონგრეულია ჩრდილოეთის აივანი, რომელიც მთელ სიგრძეზე გასდევდა სახლს. I სართულზე აივნის ნაცვლად გრძელი სათავსებია მიშენებული. სახლში შესასვლელი სამხრეთიდანაა, ცალ მხარეს გახსნილი აივნიდან. I სართულზე ჰოლი და სხვადასხვა ზომის 4 ოთახია. ერთი ოთახის კარი აივანზე გამოდის. ოთახებში ბუხრებია. ჰოლიდან ხის კიბე II სართულზე ადის, ხოლო ამ სართულის ჰოლიდან - სხვენში. II სართული I სართულის გეგმას იმეორებს. სარდაფის უმეტესი ნაწილი მარანს უჭირავს. აღმოსავლეთით კიდევ ერთი დამოუკიდებელი სათავსია. მარანში ზედა სართულის კაპიტალური კედლის საყრდენი აგურის ბურჯები და მასიური თაღებია. სვეტებსა და გარე კედელს შორის აგურის ორი საწნახელია. იატაკში ჩადგმულია სხვადასხვა ზომის 36 ქვევრი. მთავარი ფასადის მხარეს მარანში ჩასასვლელი ქვის კიბეა.
სამხრეთ ფასადზე ორივე სართულის აივანი და სიმეტრიულად განლაგებული ფლიგელები დასრულებულია აგურის პარაპეტით, რომლის კუთხეებში მცირე დეკორატიული კოშკურებია. სართულშუა გადახურვები მოწყობილია ხის კოჭებზე. სახურავი ორფერდაა, გადახურულია კრამიტით.
