საავიაციო რაკეტა
NPLG Wiki Dictionaries გვერდიდან
საავიაციო რაკეტა - რაკეტა, რომელიც გამოიყენება საფრენი აპარატიდან სახმელეთო, საჰაერო და საზღვაო მიზნების დასაზიანებლად; საავიაციო შეიარაღების ძირითადი კომპონენტი.
საავიაციო რაკეტა როგორც წესი, არის ერთსაფეხურიანი მყარსათბობიანი. განასხვავებენ უმართავ საავიაციო რაკეტას (ზალპური ცეცხლის რეაქტიული სისტემის ჭურვების ანალოგი) - ძირითადად სახმელეთო მიზნების გასანადგურებლად და „ჰაერი-ზედაპირის“, („ჰაერი-დედამიწა“, „ჰაერიც ხომალდი”) და „ჰაერ-ჰაერის“ კლასების მართვად ფრთოსან რაკეტებს (უმრავლესობა).
„ჰაერი-ზედაპირის“ საავიაციო რაკეტები იყოფა სტრატეგიულ, ოპერატიულ-ტაქტიკურ და ტაქტიკურ რაკეტებად, ხოლო „ჰაერი-ჰაერი” – დიდი, საშუალო და მცირე (ახლო საჰაერო ბრძოლის) სიშორის რაკეტებად.
