გრამატიკალიზაცია

გრამატიკალიზაცია

1. სრულმნიშვნელოვანი სიტყვის ლექსიკური დამოუკიდებლობის დაკარგვა მისი დამხმარე ფუნქციით გამოყენების შედეგად. სრულმნიშვნელობიანი სიტყვები გამოიყენება თანდებულის, ნაწილაკისა და სხვ, ფუნქციით. მაგ; ზმნიზედა თანდებულის ფუნქციით – „ეჭვს გარეშე“, „სახლის უკან“; ზმნა ნაწილაკის ფუნქციით – „უნდა გავაკეთო“, „იქნებ გავაკეთო“; სრულმნიშვნელობიანი ზმნა მეშველი ზმნის ფუნქციით.

2. ცნებითი განსხვავების ასახვა ცალკეულ ენათა გრამატიკაში. მაგ., იმ ენებში, რომლებშიც არსებობს მრავლობითი რიცხვის ფორმისაგან განსხვავებული ორობითი (სამობითი…) რიცხვიც, კონცეპტუალური განსხვავება ორსა (სამსა…) და მეტს შორის გრამატიკალიზებულია.

ნ. ლოლაძე

წყარო

• ქართული ენა: ენციკლოპედია