ხუციშვილი გიორგი
NPLG Wiki Dictionaries გვერდიდან
გიორგი ხუციშვილი – (1948-2013), ფილოსოფიის მეცნიერებათა დოქტორი (1991); დაიბადა თბილისში, 1971 წელს დაამთავრა თბილისის სახელმწიფო უნივერსიტეტის მექანიკა-მათემატიკის ფაკულტეტი. 1993-1994 წლებში მიწვეული იყო სტენფორდის უნივერსიტეტში (აშშ) ლექციების წასაკითხად. არის კონფლიქტებისა და მოლაპარაკებების საერთაშორისო კვლევითი ცენტრის დამაარსებელი და დირექტორი. სამეცნიერო-ფილოსოფიური კვლევის ძირითადი მიმართულებებია - მეცნიერების, ფილოსოფიის, სოციოლოგიისა და კონფლიქტოლოგიის პრობლემები. გამოქვეყნებული აქვს სამეცნიერო ნაშრომები ქართულ, რუსულსა და ინგლისურ ენებზე, აგრეთვე თანაავტორია სახელმძღლვანელოსი „კონფლიქტი და გენდერი“.
თხზულებები
- „აფხაზეთისპრობლემა საზოგადოებრივი აზრის სარკეში“ (თბილისი, 2002, ქართულ,რუსულსა და ინგლისურ ენებზე).
- ტერორიზმი: რა უნდა ვიცოდეთ მის შესახებ? (თბილისი, 2002).
