ხობისწყალი
NPLG Wiki Dictionaries გვერდიდან
ხობისწყალი – მდინარე ხობისწყალი, ხობი (მეგრ. ხობწყარი, ხობოსი)სათავეს იღებს ეგრისის ქედზე, მიედინება კოლხეთის დაბლობზე, ერთვის შავ ზღვას. მდინარის სიგრძე 150 კმ-ია, აუზის ფართობი – 1340 კმ², წყლის საშუალო ხარჯი – 44 კუბ.მ/ წმ. (შესართავიდან 30 კმ–ზე), მაქსიმალური – 333 კუბ.მ/წმ. საზრდოობს ძირითადად წვიმის წყლებით, გამოიყენება სარწყავად. მისი მთავარი შენაკადია ჭანისწყალი. ხობისწყალზე დგას ქალაქები ხობი და ჩხოროწყუ.