ხმის ოპერატორი
NPLG Wiki Dictionaries გვერდიდან
ხმის ოპერატორი – გადამღები ჯგუფის ერთ-ერთი ძირითადი შემოქმედებითი მუშაკი; აწარმოებს კინოსურათის ხმოვან გაფორმებას სცენარის ავტორისა და დამდგმელი რეჟისორის საერთო ჩანაფიქრის შესაბამისად. მოსამზადებელ პერიოდში ადგენს ხმის ჩაწერისათვის აუცილებელ ტექნიკურ აღჭურვილობას, მსახიობთა სასინჯი გადაღებების დროს იწერს ხმას. გადაღების პერიოდში კი ხმის ოპერატორი ამოწმებს დეკორაციების აკუსტიკურ პირობებს, მონაწილეობს მიზანსცენების დადგენაში, გეგმავს მიკროფონების განლაგებას და გადაღების დაწყებამდე ამოწმებს მთელი ხმოვანი ტრაქტის სამუშაო მზადყოფნას.
