წყლის მოქცევის და მიქცევის ენერგია

NPLG Wiki Dictionaries გვერდიდან
გადასვლა: ნავიგაცია, ძიება

წყლის მოქცევის და მიქცევის ენერგია − განახლებადი ენერგიის სახეობა, ენერგეტიკის დარგი, რომელიც ემსახურება წყლის ნაკადების პოტენციური (ზოგჯერ კინეტიკურისაც) ენერგიის გარდაქმნას ელექტროენერგიად. ამ პროცესისათვის გამოიყენება ზღვის მოქცევის ენერგია (ფაქტობრივად დედამიწის ბრუნვის კინეტიკური ენერგია). მოქცევის ჰიდროელექტროსადგურები შენდება ზღვის სანაპიროებთან, სადაც მთვარის და მზის გრავიტაციული ძალების გავლენით დღეღამეში ორჯერ იცვლება წლის დონე. ენერგიის მისაღებად უბეს ან მდინარის შესართავს გადაკეტავენ კაშხლით აღჭურვილს ჰიდროგენერატორებით, რომლებიც მუშაობენ როგორც გენერატორის, ისე ტუმბოს რეჟიმში (წყლის გადასაქაჩად წყალსაცავში, რათა ჰიდროელექტროსადგურმა გააგრძელოს მუშაობა მოქცევის არარსებობის პერიოდშიც). ასეთ ჰეს-ებს ზოგჯერ ჰიდროაკუმულაციურ ელექტროსადგურებსაც უწოდებენ. მათი უპირატესობაა ეკოლოგიურობა ენერგიის წარმოების დაბალი თვითღირებულება, ხოლო უარყოფითი − მშენებლობის მაღალი ფასი და დღეღამეში სიმძლავრის მუდმივი ცვალებადობა, რის გამოც ასეთი სადგურები მუშაობს მხოლოდ საერთო ენერგოსისტემაში.


წყარო

სამშენებლო ენციკლოპედიური ლექსიკონი

მოძიებულია „https://www.nplg.gov.ge/wikidict/index.php?title=%E1%83%AC%E1%83%A7%E1%83%9A%E1%83%98%E1%83%A1_%E1%83%9B%E1%83%9D%E1%83%A5%E1%83%AA%E1%83%94%E1%83%95%E1%83%98%E1%83%A1_%E1%83%93%E1%83%90_%E1%83%9B%E1%83%98%E1%83%A5%E1%83%AA%E1%83%94%E1%83%95%E1%83%98%E1%83%A1_%E1%83%94%E1%83%9C%E1%83%94%E1%83%A0%E1%83%92%E1%83%98%E1%83%90&oldid=168392“-დან
პირადი ხელსაწყოები
სახელთა სივრცე

ვარიანტები
მოქმედებები
ნავიგაცია
ხელსაწყოები