წითელფეხა მუხისძირა

წითელფეხა მუხისძირა (ლათ. Boletus erythopus (Fr) Fr. რუს. Дубовик крапчатый)

ქუდი – 12 სმ-მდე დიამეტრისაა, ნორჩობაში ნახევარსფეროსებრია, შემდეგ კი – ამობურცული, ნაცრისფერი ან მოყვითალო-მურა ფორები წვრილნასვრეტებიანია, წითელი, ხელის დაჭერისას ლურჯდება. ფეხი – 12 სმ სიგრძისა და 2-5 სმ სისქისაა, ძირისკენ გამსხვილებული ან ცილინდრულია, ზედაპირზე ახასიათებს წითელი წინწკლები.

რბილობი – ყვითელია, ჰაერზე ლურჯდება, შემდეგ ისევ მოყვითალო ფერს იღებს.

სპორები – თითისტარისებრია, მოყვითალო 11-19X4-7 მკმ.

იზრდება ნიადაგზე მუხნარებში ზაფხულ-შემოდგომით.

გამოიყენება საჭმელად წინასწარ 10-15-წუთიანი გათუთქვის შემდეგ, ნადუღი წყალი უნდა გადავღვაროთ.

წყარო

საქართველოს სოკოები