ჩხერიმელისპირელი ილია
NPLG Wiki Dictionaries გვერდიდან
ილია ჩხერიმელისპირელი – (1866 – 1928), ნამდვილი სახელი და გვარი ილია ივანეს ძე ფერაძე, სხვა ფსევდონიმი – ნებოძირელი. პედაგოგი, პოეტი, საზოგადო მოღვაწე.
დაიბადა ხარაგაულის რაიონის სოფელ ნებოძირში. დაწყებითი განათლების შემდეგ შედის ქუთასის სასულიერო სასწავლებელში. 1882 წლიდან – თბილისის სასულიერო სემინარიაში, რომლის დამთავრების შემდეგ 1889 წელს სახელმწიფო ხარჯზე გაიგზავნა კიევის სასულიერო აკადემიაში. 1921 წლიდან იგი დაინიშნა ხაშურის ჰუმანიტარული ტექნიკუმის (ახლანდელი ხაშურის პირველი საჯარო სკოლა) დირექტორად. მისი ლექსები იბეჭდებოდა „მწყემსში”, „კვალში”, „განათლებაში”, „თეატრსა და ცხოვრებაში” და სხვა.
