შეუღლებული ჰარმონიული ფუნქციები
NPLG Wiki Dictionaries გვერდიდან
შეუღლებული ჰარმონიული ფუნქციები - სიბრტყის რაიმე D არეში x, y ცვლადების წარმოებადი u(x,y) და v(x,y) ფუნქციები, რომლებიც ამ არეში აკმაყოფილებენ განტოლებებს:
∂u/∂x = ∂v/∂y, ∂v/∂x = -∂u/∂y.
შეუღლებული ჰარმონიული u და v ფუნქციები D არეში განსაზღვრავენ ანალიზურ ფუნქციას: f(z)= u(x,y) + iv(x,y), z = x+iy.
თითოეული შეუღლებული ჰარმონიული ფუნქცია არის ჰარმონიული D არეში. v ფუნქციას ეწოდება ჰარმონიული u ფუნქციის შეუღლებული და განისაზღვრება მისი საშუალებით მუდმივ სიდიდემდე სიზუსტით. v ფუნქციის შეუღლებულია -u ფუნქცია.