შარაშიძე შალვა
შარაშიძე შალვა გიორგის ძე (დ. - 188?, სოფ. ბახვი, ოზურგეთის მაზრა - გ. - 1934) - ქართველი სოციალ-დემოკრატი, იუმორისტი, მწერალი და საზოგადო მოღვაწე.
იუმორისტულ ალმანახ „ეშმაკის მათრახის“ ერთ-ერთი დამაარსებელი და რედაქტორი (1907-1909; 1915-1917, 1919-1921). ცენზურის მიერ დახურვის პერიოდში გამოდიოდა სხვა სახელწოდებებით. ფელეტონებს და საჟურნალო მასალებს აქვეყნებდა ფსევდონიმით „თაგუნა“. მისი პიესა „ავგაროზი“ დაიდგა რუსთაველის თეატრში (რეჟ: ა. წუწუნავა). 1918 წელს იყო საქართველოს დემოკრატიული რესპუბლიკის ეროვნული საბჭოს წევრი სოციალ-დემოკრატიული პარტიიდან. 1919-1921 წლებში რედაქტორობდა იუმორისტულ ალმანახ „ეშმაკის მათრახს“, აქვეყნებდა სტატიებსა და მხატვრულ ჩანახატებს დემოკრატიული რესპუბლიკის პერიოდის პრესაში.
ბონდო კუპატაძე
იხილე აგრეთვე
წყარო
საქართველოს დემოკრატიული რესპუბლიკა (1918-1921) ენციკლოპედია-ლექსიკონი