ყვითელი პაჭიჭა
NPLG Wiki Dictionaries გვერდიდან
ყვითელი პაჭიჭა ( ლათ. Lactarius scrobiculatus Fr რუს. Груздь жёлтый)
ქუდი – 20 სმ-მდე დიამეტრისაა, ჯერ მრგვლად ამოზნექილი, შემდეგ – ძაბრივით ჩაღრმავებული, ზედაპირი ქეჩოვან-ბეწვებიანია, ლორწოვანი, ყვითელი, უფრო ღია ფერის კონცენტრული ზოლებით. ფირფიტები მოყვითალოა.
ფეხი – 4-6 სმ სიგრძისა და 3-4 სმ სისქისაა, ძირში ოდნავ ბუსუსიანია, ლორწოვანი ზედაპირით და ჩაღმავებული ადგილებით, ყვითელია.
რბილობი – თეთრია, ხელის დაჭერისას ყვითლდება, გამოყოფს თეთრ, რძისმაგვარ სითხეს, რომელიც ჰაერზე ყვითლდება, ძალიან მწარე და ცხარეა.
სპორები – ფართო ელიფსისებრია, 8-9X7მკმ. სპორების მტვერი თეთრია.
იზრდება ნიადაგზე, წიწვოვან და შერეულ ტყეში ზაფხულ-შემოდგომით. გამოიყენება საჭმელად დამწნილებული, წინასწარ დალბობის შემდეგ.