ქადაგიძე ნინო
NPLG Wiki Dictionaries გვერდიდან
ქადაგიძე ნინო − (1978), ქართველი მწერალი და პოეტი. დაიბადა თბილისში. დაამთავრა თსუ-ს დასავლეთ ევროპული ენების ფაკულტეტი სპეციალობით რომანისტიკა (ფრანგული ენა და ლიტერატურა), ასევე − ილიას სახელმწიფო უნივერსიტეტი, ლიტერატურათმცდონეობის განხრით. ერთი პოეტური კრებულის – „მეტრფე“ – ავტორი და პროზაული კრებულისა − „ცერცვისტოლა ამბები“; იბეჭდება პერიოდულ ლიტერატურულ გამოცემებში. პოეტური მინიატურები
- * * *
- ღმერთმა კიდევ ერთი ცოდვა აპატია,
- როცა წვიმის შემდეგ
- მისი საფლავის ჩაღრმავებული ჯვრიდან
- ჩიტებმა წყალი დალიეს.
- * * *
- ბაღში
- პაპის დარგული უკანასკნელი ხე მოჭრეს,
- დავინახე როგორ წამექცა
- ხელდახელ
- გამხმარი ბერიკაცი.
- * * *
- „აღარ მიყვარხარ!” −
- საყვარელი ფინჯანივით გატეხილი
- სიტყვის ნამსხვრევები.
