ფლორა
NPLG Wiki Dictionaries გვერდიდან
ფლორა – (რომ.) ყვავილების, ახალგაზრდობისა და ახალგაზრდულ სიამეთა იტალიკური ქალღმერთი.
რომაელები ფლორას ბერძნულ ქლორისთან აიგივებდნენ. მის პატივსადებად 28 აპრილიდან 3 მაისამდე ეწყობოდა ბრწყინვალე დღესასწაული, რომელსაც ფლორალიები ეწოდებოდა. ამ დროს ეწყობოდა მხიარული შეჯიბრები, თამაშები. ადამიანები თავს იმშვენებდნენ ყვავილებით (უპირველესად ვარდებით), რთავდნენ ცხოველებს, ქალები ჭრელ-ჭრელი სამოსით
იმოსებოდნენ და ა.შ.
ანტიკურ ხელოვნებაში ფლორას წარმოსახავდნენ ახალგაზრდა ქალად, რომელსაც ამშვენებდა ყვავილების
გვირგვინი ან რომელიც კალათიდან აბნევდა ვარდებს. ასევე ხატავდნენ მას ტიციანი, პუსენი, რემბრანტი, ბოკლინი და სხვა დიდი
მხატვრები.
თანამედროვე მეტყველებაში „ფლორა“ მცენარეულ სამყაროს ნიშნავს.