ფილმოგრაფია
NPLG Wiki Dictionaries გვერდიდან
ფილმოგრაფია – ცოდნის დარგი, რომელიც შეისწავლის საცნობარო ლიტერატურაში ფილმების აღწერის მეთოდებსა და პრინციპებს.
სარჩევი |
ანოტირებული ფილმოგრაფია
შეიცავს თემის, ჟანრის მოკლე განსაზღვრას, შინაარსს, ნაწარმოების იდეურ-მხატვრული ღირსებების მოკლე შეფასებას. მასში მოცემულია ძირითადი საწარმოო მონაცემები: მეტრაჟი, ნაწილების რაოდენობა, ეკრანზე გამოსვლის თარიღი, გადამღები ჯგუფის შემადგენლობა, ფილმში მონაწილე მსახიობები.
თემატური ფილმოგრაფია
ემატური ფილმოგრაფია მასალას იძლევა კინოხელოვნების ცალკეულ თემებთან დაკავშირებული საკითხების დასამუშავებლად.
ქრონოლოგიური ფილმოგრაფია
ასახავს ფილმების გამოშვების საერთო სურათს; საშუალებას იძლევა თვალყური ვადევნოთ წარმოების, საერთოდ კინემატოგრაფიის განვითარების თუ რეჟისორის, მსახიობის, სცენარისტის, ოპერატორის, მხატვრის, კომპოზიტორისა და სხვათა შემოქმედებითი მოღვაწეობის ეტაპებს.