ფიდესი
NPLG Wiki Dictionaries გვერდიდან
ფიდესი – (რომ.) „ერთგულება“. ქალღმერთი, რომელიც ფიცის ერთგულებას განასახიერებდა. ფიდესის უძველესი ტაძარი იდგა რომში. ლეგენდის თანახმად, იგი ენეასის შვილიშვილმა, რომამ ააგო (სხვა ვერსიით, ნუმა პომპილიუსმა).
კაპიტოლიუმის ბორცვზე აღმართული იყო ფიდესის კიდევ ერთი ტაძარი, სადაც ინახებოდა რომაელთა მიერ სხვა სახელმწიფოებთან დადებული ხელშეკრულებები.
რომაულ მონეტებზე ფიდესს წარმოსახავდნენ დიდებულ ქალბატონად თავთავითა და ნაყოფით ხელში. მისი ატრიბუტი იყო აგრეთვე გვრიტი.