ტყეშელაშვილი გივი
NPLG Wiki Dictionaries გვერდიდან
ტყეშელაშვილი გივი – (1959 – 2011), ფსევდონიმი – ადრეული. პოეტი, მწერალი, ისტორიკოსი. დაიბადა სოფელ ბზვანში (ვანი). დაასრულა ქუთაისის პედაგოგიური ინსტიტუტის ისტორია-ფილოლოგიის ფაკულტეტი. მუშაობდა ნ. ბერძენიშვილის სახელობის ქუთაისის ეთნოგრაფიული მუზეუმის ფონდების მცველად. ლექსების პირველი წიგნი – „ციცინათელების კარავი“ – გამოაქვეყნა 1985 წელს. ავტორია ლექსთა კრებულისა „მეტალირიკა“ (2009), ასევე ნაშრომების: „სხვიტორიდან მთაწმინდამდე“, „გელათის საგანძური“, რომან-ქრონიკის – „ყაჩაღი დვალიშვილები“.
- გაზაფხულისთვის
- ქალაქში მოკვდა მოხუცი ლანდი,
- მთვარის ლანდებზე უფრო მაღალი;
- სრულიად შობის არისტოკრატი,
- სრულიად თიხის შთამომავალი!
- ზენაარ! ცეცხლი მაღლდება ცეცხლზე,
- მწვანეზე ლურჯი ჩამოდის ფერი
- და წვიმას კიდევ არა აქვს სხვა გზა,
- ტყვეა და ელავს წინ დეკემბერი.
- დაჭკნენ იები, ცრემლების ნაცვლად
- ქუხს უფრო მძლავრი: დალაი, დალა...
- უხერხულია დღეს ყველა ჯვარცმა,
- თავად ჯვარმცმელი ცაში გამდგარა.
- და ოთხშაბათის სანდო ანდერძით
- მაისის ქვრივი ისევ გარეთ ზის.
