ტუსიშვილი (მთარგმნელი)
NPLG Wiki Dictionaries გვერდიდან
ტუსიშვილი – საზღაპრო ეპოსის „ვარშაყანიანის“ საეგებიო მთარგმნელი.
თხზულებაში მოთხრობილია ფალავან ვარშაყის ზღაპრული თავგადასავალი, მისი ბრძოლა დევებთან და ბუმბერაზებთან. შემონახულია თხზულების ერთადერთი ნუსხა, XIX ს. ხელით გადაწერილი. 1885 წ. თბილისში გამოსცეს თხზულების პირველი თავი. გამოცემის წინასიტყვა გვაუწყებს — XVIII საუკუნის ერთი კატალოგის ცნობით, თხზულება XIII საუკუნეში უთარგმნიაო ვინმე ტუსიშვილს, დავით ნარინის თანამედროვეს. აღნიშნული კატალოგი მეცნიერთათვის უცნობია. თხზულების ხელნაწერი ამჟღავნებს მსგავსებას „ამირანდარეჯანიანთან“.
