ტეტრაედრული რიცხვები

ტეტრაედრული რიცხვები – n(n+1)(n+2) / 6 სახის ნატურალური რიცხვები, ე. ი. რიცხვები 1, 4, 10, 20, ...

ტეტრაედრული რიცხვები წარმოადგენენ ფიგურული რიცხვების კერძო შემთხვევას და შეადგენენ მესამე რიგის არითმეტიკულ მწკრივს. სახელწოდება იქიდან წარმოიშვა, რომ მათი საშუალებით გამოისახება ბურთულების რიცხვი, რომლებიც სივრცეში ეწყობა წესიერი ტეტრაედრის ფორმით.

წყარო

სამშენებლო ენციკლოპედიური ლექსიკონი