ტაგანა
NPLG Wiki Dictionaries გვერდიდან
ტაგანა – მცირე ზომის ხის ჭურჭელი, რომელთანაც მოხეური საპატარძლო ლექსი „ჩემო ხელის მომკიდეო“ არის დაკავშირებული. ოჯახის საქმიანობაში პატარძლის ჩაბმის სიმბოლურ საწყისს წარმოადგენდა ხევსა და მთიულეთში გავრცელებული „პატარძლის წყალზე გაყვანის“ ჩვეულება. კერძოდ, ხევში, პატარძალს წყაროზე წაიყვანდნენ, ხელისმომკიდე სავსე ტაგანასს აკიდებდა და შინ გამობრუნებისას მღეროდნენ:
- ჩემო ხელის მომკიდეო,
- ტაგანაი მომკიდეო;
- თუ ტაგანას არ მომკიდებ
- ხელი მაინც მომკიდეო.
გ. შეთეკაური
ლიტერატურა
- ს. მაკალათია, მთიულეთი, 1930, გვ. 118;
- მისივე, ხევი, 1934, გვ. 164;
- ა. ყაზბეგი, თხზულებანი, ტ. V, 1950, გვ. 40.