სურნელოვანი ჰიგროფორუსი
NPLG Wiki Dictionaries გვერდიდან
სურნელოვანი ჰიგროფორუსი (ლათ. Hygrophorus agathosmus (Fr.) Fr. რუს. Гигрофор душистый)
ქუდი – 4-10 სმ დიამეტრისაა, ამობურცული, კუზისებურად, ლორწოვანი ზედაპირით, ნაცრისფერ-მოყვითალო, მომწვანო ან ნაცრისფერ-მურაა, შუაში მოთეთროა, წერტილოვან-მარცვლოვანი; კიდეები ღია ფერისაა, ფირფიტები დაღმავალია, მეჩხერი, თეთრი.
ფეხი – 5-10 სმ სიგრძისა და 0,8-1,5 სმ სისქისაა, თანაბარი ან ძირში ოდნავ გამსხვილებული, ქუდისკენ დაფარულია წვრილი წერტილოვანი ნაცრისფერი ქერცლებით, მოთეთროა.
რბილობი – თეთრი, მწარე ნუშის სუნით.
სპორები – კვერცხისებრი ან მარცვლისებრია, უფერული, 8-11X5-6 მკმ.
იზრდება ნიადაგზე წიწვიან ტყეში ზაფხულ-შემოდგომით, ზოგჯერ ქმნის „ქაჯის წრეს“.
საჭმელად გამოიყენება ახალი.