სტიმფალიური ფრინველები
NPLG Wiki Dictionaries გვერდიდან
სტიმფალიური ფრინველები – (ბერძნ.) მითოსური კაციჭამია ფრთოსნები, რომლებიც არკადიის ქალაქ სტიმფალოსთან ბინადრობდნენ. მათ ბრინჯაოს ფრთები, ნისკარტები და კლანჭები ჰქონდათ. ისინი თავის ისარივით წამახულ ფრთებს სეტყვასავით უშენდნენ დედამიწას და უმოწყალოდ ანადგურებდნენ მიდამოებს.
ამ ფრთოსანთაგან ზოგი ჰერაკლემ ამოხოცა (გმირობა მეხუთე), ზოგიც ევქსინის პონტოსკენ (შავი ზღვისაკენ) გაფრინდა. იქ მათ მოგვიანებით არგონავტები აღმოაჩენენ.