საყუდაბელი (სოფელი)
NPLG Wiki Dictionaries გვერდიდან
საყუდაბელი – სოფელი ასპინძის მუნიციპალიტეტში, ორგორის თემში, ერუშეთის მთიანეთის ჩრდილო-აღმოსავლეთ ფერდობზე, მდინარე მტკვრის ხეობაში, ზღვის დონიდან 1270-1390 მ სიმაღლეზე, დაბა ასპინძიდან დასავლეთით 9 კმ მანძილზე.
მიდამოები უტყეოა. მოსახლეობის რიცხოვნობა – 180. მოსახლეობის უდიდესი ნაწილი (98 %) ქართველია. მოსახლეობის ღრმა რწმენით, მას ადრე საღვინეთი ერქვა. საქართველოს მთავრობის 2015 წლის N 671 დადგენილების მიხედვით შესულია მაღალმთიან დასახლებათა ნუსხაში. მოიპოვება ბაზალტი. შემორჩენილია შუა საუკუნეების გამოქვაბულების კომლექსი, მონასტრის ნანგრევები. სოფლის მიდამოებში ნასოფლარი ვარნეთი.
