სანაძე კორნელი

კორნელი სანაძე

სანაძე კორნელი – (1907 – 1985), ქართველი მხატვარი, პოეტი. დაიბადა ხონში. 1922-1924 წლებში სწავლობდა მოსე თოიძის სახალხო სამხატვრო სტუდიაში. შემდეგ – თბილისის სახელმწიფო კონსერვატორიაში ვოკალის განხრით; დაამთავრა თბილისის ეკონომიკური ტექნიკუმი 1924 წელს; თბილისის სამხატვრო აკადემია 1929 წელს. 1934 წლიდან ფერწერას ასწავლიდა სამხატვრო აკადემიაში; მას გაფორმებული აქვს კინოფილმები: „დარიკო“, „ქალი მწვანეში“; ასევე ოპერისა და ბალეტის თეატრში: „კარმენი”, „დაისი”, „მთების ძახილი“ და რუსთაველის მარჯანიშვილის თეატრების სპექტაკლები. იგი ასევე არის რამდენიმე პოეტური კრებულის ავტორი.

* * *

გახსოვს, ძვირფასო, ღამე და ბაღი,

ხეთა შრიალი, ყვავილთა თოვა.

გაზაფხულის ცა, თეთრი ზამბახი,

იისფერი თმა, ბაგეთა თრთოლვა,

შენ შეიხსენი მარჯანის მძივი,

მზის ამოსვლისას ბალახში ვკრეფდით,

და გვასველებდა წვეთები წვიმის

და ვგავდით მტრედებს...

და გვაკლდა ფრთები.

წყარო

ქართველი პოეტები (ენციკლოპედია)