სამკუთხედი (მუსიკალური საკრავი)
NPLG Wiki Dictionaries გვერდიდან
სამკუთხედი – დასარტყამი საკრავი, სწორი სამკუთხედის ფორმის ლითონის წნელი, გამოსცემს წკრიალა განუსაზღვრელი სიმაღლის ბგერას. ორკესტრის ჟღერადობას ბრწყინვალებას ანიჭებს. ორკესტრებში მიღებულია XIX საუკუნის დასაწყისიდან, თუმცა ხალხური საკრავის სახით ცნობილი იყო ჯერ კიდევ XV საუკუნეში. სიმფონიურ ორკესტრში გამოიყენება 4-5 ზომის სამკუთხედი. ნოტირებულია 1 ხაზზე („ძაფზე“).