სადგერის წმინდა გიორგის სახელობის ეკლესია
NPLG Wiki Dictionaries გვერდიდან
სადგერის წმინდა გიორგის სახელობის ეკლესია – არქიტექტურული ძეგლი საქართველოში (XIV-XV ს.), ბორჯომის მუნიციპალიტეტში. ეკლესიას აკრავს მაღალი კლდე და ღრმა ხევი. მას მისასვლელი აქვს მხოლოდ სამხრეთიდან და ეს მხარე გამაგრებული ყოფილა გალავნითა და ციხე კოშკით. ადგილობრივები იყენებდნენ სახიზრად. ნაგებია თლილი ქვით. შემკულია ცხოველებისა და მცენარეების ბარელიეფებით, სარკმელი კი ყურძნის მტევნებით. ტაძარი 1703-1724 წლებში ვახტანგ VI-ს აღუდგენია. წელიწადში ორჯერ აქ იმართება გიორგობა. შემორჩენილია ნანგრევები.