რუხი ტრიქოლომა
NPLG Wiki Dictionaries გვერდიდან
რუხი ტრიქოლომა (ლათ. Tricholoma terreum (Fr.) Kumm. რუს. Рядкова землисто-серая)
ქუდი – 3-8 სმ დიამეტრისაა, მრგვალი ბორცვაკით, ღია ყავისფერია, ზედაპირი დაფარულია მიკრული ბოჭკოვანი შავი-ქერცლებით, ახასიათებს უსწორმასწორო კიდეები, რომლებიც ზოგჯერ დახეთქილია. ფირფიტები შეზრდილია. მოთეთრო ნაცრისფერია.
ფეხი – 3-8 სმ სიგრძისა და 1-1,5 სმ სისქისაა; ჩვეულებრივ, თანაბარი და ძირში გამსხვილებულია. ქუდის მხარეს თეთრი ნაფიფქით, თეთრია ან მონაცრისფრო.
რბილობი – თეთრია.
სპორები – ელიფსისებრი, უფერული 5-7X4-5 მკმ.
იზრდება ნიადაგზე, როგორც ფოთლოვან, ისე წიწვიან ტყეში, განსაკუთრებით კირიან ნიადაგზე, ზოგჯერ დიდი რაოდენობით; ზაფხულ-შემოდგომით.
საჭმელად იხმარება ახალი.