რისვიკის საზავო ხელშეკრულებები 1697

NPLG Wiki Dictionaries გვერდიდან
გადასვლა: ნავიგაცია, ძიება

რისვიკის საზავო ხელშეკრულებები 1697 – (საფრანგეთსა და აუგსბურგის ლიგაში გაერთიანებულ მის მოწინააღმდეგეებს შორის), ხელი მოაწერეს რისვიკის (ჰოლანდია) მახლობლად ციხესიმაგრეში. საფრანგეთის ხელშეკრულებებმა ჰოლანდიასთან, ინგლისთან, ცალკეულ გერმანელ თავადებთან (30.X) დაასრულა 1688-97 ომი. საფრანგეთ-ჰოლანდიის ხელშეკრულებით მხარეები ერთმანეთს უბრუნებდნენ ომის დროს დაკავებულ ტერიტორიებს: საფრანგეთმა შეამცირა ჰოლანდიურ საქონელზე საბაჟო ტარიფები. ინგლისთან ხელშეკრულების თანახმად, ლუი XIV-მ ვილჰელმ ორანელი ინგლისის მეფედ აღიარა. ორივე სახელმწიფოს ქვეშევრდომებმა მიიღეს ნავიგაციისა და ვაჭრობის თავისუფლება, ესპანეთთან დადებული ხელშეკრულებით საფრანგეთმა დაუბრუნა მას კატალონიასა და ესპანურ ნიდერლანდში დაპყრობილი თითქმის ყველა ტერიტორია: ლუქსემბურგი, შარლერუა, მონსატი, კურტრე და სხვ. იმპერატორთან დადებული ხელშეკრულებით საფრასგეთმა დაუბრუნა მას ფრაიბურგ-იმ-ბრაისგაუ, ფილიპსბურგი, კელნის სიმაგრე და სხვ. საფრანგეთს დარჩა მხოლოდ სტრასბურგი და იმპერიის მოსაზღვრე ზოგიერთი ტერიტორია.


წყარო

მოძიებულია „https://www.nplg.gov.ge/wikidict/index.php?title=%E1%83%A0%E1%83%98%E1%83%A1%E1%83%95%E1%83%98%E1%83%99%E1%83%98%E1%83%A1_%E1%83%A1%E1%83%90%E1%83%96%E1%83%90%E1%83%95%E1%83%9D_%E1%83%AE%E1%83%94%E1%83%9A%E1%83%A8%E1%83%94%E1%83%99%E1%83%A0%E1%83%A3%E1%83%9A%E1%83%94%E1%83%91%E1%83%94%E1%83%91%E1%83%98_1697&oldid=231466“-დან
პირადი ხელსაწყოები
სახელთა სივრცე

ვარიანტები
მოქმედებები
ნავიგაცია
ხელსაწყოები