ხარშილაძე რამაზ
რამაზ ხარშილაძე — (დ. 16 იანვარი, 1951, სოფ. ნაცარგორა (ხაშურის რაიონი) — გ. 11 სექტემბერი, 2017, თბილისი) — ქართველი ძიუდოისტი (ქვემძიმე, 93კგ; 95კგ). 1976 წლის მონრეალის XXI ოლიმპიური თამაშების ვერცხლის პრიზიორი. სსრკ-ის ხალხთა სპარტაკიადის ორგზის ჩემპიონი (1975, 79). სსრკ-ის ოთხგზის ჩემპიონი (1974, 76, 79, 80), მეორე (1973, 77) და მესამე (1981) პრიზიორი. ევროპის ჩემპიონატის ბრინჯაოს პრიზიორი (1980). ევროპის გუნდური ჩემპიონატის გამარჯვებული (1975). მსოფლიოს ჩემპიონატზე დაიკავა მესამე ადგილი (1975). ყველაზე მეტჯერ, ექვსჯერ გაიმარჯვა თბილისის სართაშორისო ტურნირში (1973, 75, 76, 78, 79, 81). სსრკ-ის ორგზის ჩემპიონი (1971, 73) სამბოში. სსრკ-ის სპორტის დამსახურებული ოსტატი. ღირსების ორდენის კავალერი.
1976 წლის ოლიმპიური თამაშები
93კგ, 35 მონაწილე
1. კაცუჰირო ნინომია (იაპონია)
2. რამაზ ხარშილაძე (სსრკ)
3. დევიდ სტარბურკი (დიდი ბრიტანეთი)
3. იურგ როტლისბერგერი (შვეიცარია)
I წრე არ გამოცხადდა ჯეფრი სანკისი (გაიანა); II წრე ქულებით (იუკო) მოუგო ჩო ჯეკის (სამხრეთ კორეა); III წრე იპონით (1,42) დაამარცხა აბდულაი ჯიბა (სენეგალი); IV წრე ქულებით (ვაზარი) გაიმარჯვა დევიდ სტარბრუკთან; ფინალში ვაზარით წააგო კაცუჰირო ნინომიასთან (იაპონია).
