ჟოლო
NPLG Wiki Dictionaries გვერდიდან
ჟოლო – (Rubus idaeus L.); ოჯახი: ვარდისებრნი (Rosaceae). ბუჩქოვანი მცენარეა, ერთწლიანი ყლორტები ცილინდრულია, სწორად მდგომი, წვერდახრილი, სქლადაა მოფენილი წვრილი, მოწითალო-ყავისფერი ეკლებით. ფოთოლი შედგება 3-7 ფოთოლაკისგან. ფოთოლაკები ზედა მხარეზე თითქმის შიშველია ან აქა-იქ მოფენილი მარტივი ან ვარსკვლავისებური ბეწვით. ქვედა მხარე თეთრი, ქეჩისებური შებუსვითაა, კიდეებზე უთანაბროდ. ხერხკბილა.•ყვავილები შეკრებილია იღლიურ, მცირეყვავილიან მტევნებად და კენწრულ ფარისებურ-საგველა ყვავილედებად. გვირგვინის ფურცლები თეთრია. ყვ. ნაყ. V-VII. იზრდება ტყეებსა და ტყის პირას, გაჩენილ ადგილებზე, ტყის ველობებზე, მდინარეთა ნაპირებზე, ბუჩქნარებში. კახეთში მისი ნახვა შესაძლებელია თუშეთის დაცშლ ტერიტორიაზე. გავრცელებულია მთელ საქართველოში.
