პითოდორისი
NPLG Wiki Dictionaries გვერდიდან
პითოდორისი – პონტოს დედოფალი ძვ. წ.8 – ახ. წ. 22-23, მარკუს ანტონიუსის შვილიშვილი, პოლემონ I-ის მეუღლე, მეორე ქორწინებით კი – არქელაე კაპადოკიელის. ქვეყანას განაგებდა პოლემონის სიკვდილის შემდგომ, კოლხეთიც მას ეკუთვნოდა. თანაშემწედ უფროსი შვილი ჰყავდა. პითოდორისი გარდაიცვალა 22-23. ტახტს ფორმალურად მისი ქალიშვილი ანტონინა ტრიფაინა დაეუფლა. რეალურად კი ტიბერიუსმა ქვეყანა სრულწლოვანი მამაკაცი მემკვიდრეების არარსებობის გამო სამეურვეო ტერიტორიად აქცია. სწორედ ამ დროს უნდა გამოჩენილიყვნენ სამხრეთ-აღმოსავლეთ და აღმოსავლეთ შავი ზღვისპირეთში რომაული გარნიზონები. 38 კი კალიგულამ ქვეყანა ტრიფაინას შვილს პოლემონ II-ს უბოძა.
ლიტერატურა
დუნდუა თ. კოლხეთი, იბერია და პონტოს სამეფო ნუმიზმატიკური მასალების მიხედვით, თბ., 1993.
