პეტრუშკა (თოჯინების თეატრი)
NPLG Wiki Dictionaries გვერდიდან
პეტრუშკა – (რუს. Петрушка), ძველებური რუსული ხალხური თოჯინების თეატრი, ჩვეულებრივ მოხეტიალე. სახელწოდება მომდინარეობს წარმოდგენის მთავარი მოქმედი პირის (სცენისზედა, ან ხელით სათამაშო თოჯინის) სახელიდან. სატირული ან იუმორული ხასიათის პიესები, რომლებშიც პეტრუშკა მონაწილეობს, ცნობილია XVII საუკუნიდან. ეს პიესები შედიოდა სკომოროხების რეპერტუარში. წარმოდგენები იმართებოდა ბაზრობებზე, მოედნებზე, ეზოებში. ერთი მსახიობი ათამაშებდა თოჯინებს (პეტრუშკა), ბოშა-გამყიდველი, კაპრალი, ეშმაკი და ა.შ.) და ლაპარაკობდა (იყენებდა ე.წ. ზუზუნას), მეორე კი გუსლზე, სალამურზე, უფრო გვიანდელ ხანაში – არღანზე უკრავდა და ასეთ მუსიკალურ თანხლებას უკეთებდა მოქმედებას.
