პერეს დე კუელიარი
NPLG Wiki Dictionaries გვერდიდან
პერეს დე კუელიარი– (Pérez de Cuéllar) საგიერ (დ. 19 იანვარი, 1920, ლიმა, პერუ – გ. 4 მარტი, 2020, ლიმა, პერუ), პერუელი დიპლომატი, გაერთიანებული ერების ორგანიზაციის გენერალური მდივანი 1982-91. განათლება მიიღო ლიმის კათოლიკურ უნივერსიტეტში; ნიცის უნივერსიტეტში (საფრანგეთი), იყო პერუს დიპლომატიური აკადემიის პროფესორი. ეკავა სხვადასხვა დიპლომატიური პოსტები. იგი იყო ელჩი: შვედეთში 1964-66; საბჭოთა კავშირსა და პოლონეთში 1964-71; ვენესუელაში 1978. ასევე იყო: გაეროს მუდმივი წარმომადგენელი 1971-75; უშიშროების საბჭოს წარმომადგენელი 1973-74; გაეროს გენერალური მდივნის მოადგილე განსაკუთრებულ პოლიტიკურ საკითხში 19729-81; გაეროს გენერალური მდივნის პირადი წარმომადგენელი ავღანეთში 1981.
