პართენონი
NPLG Wiki Dictionaries გვერდიდან
პართენონი – (ბერძნ.) ათენის მთავარი ტაძარი, რომელიც აღუმართეს ქალაქის მფარველს, ქალწულ ათენას („პართენოს“ ბერძნულად „ქალწულს“ ნიშნავს). ტაძრის მშენებლობა, რომელსაც სახელოვანი ხუროთმოძღვარი ფიდიასი ხელმძღვანელობდა, ძვ. წ. 432 წელს დასრულდა. მშენებლობაში ძირითადად გამოყენებულია პენტელიკონის მარმარილოს ქვა. პართენონი ძველი საბერძნეთისა და ათენის დემოკრატიის სიმბოლოდ ითვლება და მსოფლიოს ერთ-ერთი უდიდესი კულტურული მონუმენტია. მან ნანგრევების სახით მოაღწია ჩვენამდე. მიუხედავად ამისა, იგი დღესაც ხიბლავს მნახველს თავისი გრანდიოზულობით, სილამაზითა და პროპორციათა სრულყოფილებით.
წყარო
მითოლოგიური ენციკლოპედია ყმაწვილთათვის
სამშენებლო ენციკლოპედიური ლექსიკონი
