პალმეტა

ძველბერძნული კლასიკური ანტაბლემენტის ფრაგმენტი ერექთეიონიდან: 1-ორნამენტული მოტივი „წყლისფოთოლა და შუბის წვერი“, 2-ორნამენტული მოტივი „მძივი და კოჭი“, 3-ორნამენტული მოტივი „კვერცხი და შუბის წვერი“, 4-ორნამენტი „ანთემიონი” და ორნამენტული მოტივი „პალმეტა“.

პალმეტა – (ფრანგ. palmette პატარა პალმა) ფერწერული ან სკულპტურული არქიტექტურული სამკაული, რომელსაც საფუძვლად უდევს მცენარის (ჩვეულებრივ პალმის) ფოთლის სტილიზებული გამოსახულება სავარაუდოდ, პალმეტა ძველი ეგვიპტის არქიტექტურაში ჩვენს წელთაღრიცხვამდე 2500 წლით ადრე გაჩნდა, საიდანაც ძველ საბერძნეთში გავრცელდა. აღსანიშნავია, რომ ძველ ბერძნულ და ძველ რომაულ არქიტექტურაში პალმეტა ცნობილი იყო, როგორც ანთემიონი. მოგვიანებით პალმეტა ფართოდ იყო გამოყენებული წინა აზიის ქვეყნებისა და ევროპის არქიტექტურაში.

წყარო

სამშენებლო ენციკლოპედიური ლექსიკონი