ორმეფობა
NPLG Wiki Dictionaries გვერდიდან
ორმეფობა – ლეონტი მროველის მიხედვით მეფე ადერკიმ სიკვდილის წინ ქართლის სამეფო თავის ორ შვილს გაუყო: ერთს შეხვდა ქალაქი მცხეთა და ქართლი მტკვრის ჩრდილოეთით. მეორეს კი – არმაზი და ქართლი მტკვრის სამხრეთით. სულ იბერიის ტახტზე „ქართლის ცხოვრების“ მიხედვით 5 მეფეთა წყვილი მჯდარა, „მოქცევაჲ ქართლისაჲ“-ს მიხედვით კი 6. ბოლო წყვილის ფარსმან ქველისა და მირდატის („მოქცევაჲ ქართლისაჲ“-ს მიხედვით როკ და მირდატის) შემდეგ გამეფებულა ადამი და ერთმეფობა კვლავ აღმდგარა.
