ნაცვლიშვილი პაატა
ნაცვლიშვილი პაატა − (1952), ქართველი მხატვარი ჟურნალისტი, პოეტი. დაიბადა თბილისში. 1974 წელს დაამთავრა თსუ-ს ჟურნალისტიკის ფაკულტეტი, 1976 წელს კი − ხელოვნების ფაკულტეტი. 1974-1976 წლებში მუშაობდა გაზეთ „თბილისის უნივერსიტეტის” ლიტმუშაკად, 1976-1978 წლებში − გაზეთ „ახალგაზრდა კომუნისტი”-ს კორესპონდენტად, 1978-1984 წლებში ჟურნალ „მართვე”-ს ლიტმუშაკად, 1980-1984 წლებში − საქართველოს საზღვაო სანაოსნოს შორეული ნაოსნობის მატროსად, 1984-1985 წლებში − საქართველოს რადიოს ახალგაზრდული პროგრამების მთავარი რედაქციის მთავარ რედაქტორად, 1988 წლიდან გაზეთ „სამშობლო”-ს რედაქტორია. გამოცემული აქვს არაერთი პროზაული კრებული, ასევე ლექსების კრებულები: „სიყვარულის გაგრძელება” (1983), „სიყვარულის დასაწყისი” (1986), „სიყვარულის დასასრული” (2001), „ხელოვნური ყვავილები” (2014).
- გვანცას გასაბინება
- საბას დედას სახელად უნდა ერქვას საბინა,
- საბას შემოუკეცოს უნდა ღამით საბანი.
- ეს ბლოკნოტი ნეტავი მალე გამავსებინა,
- ბევრი მყავდეს მკითხველად
- ნეტავ სულხან-საბანი.
- რომში, საოცნებოში, ნეტავ გვაღირსა ბინა,
- აიაზმაც გვაღირსა ნეტავ პირდასაბანი,
- „ნივეას“ და „სეიფგარდს“ ეტოლება „საბონი“,
- სამივეს მირჩევნია პრინც მაჩაბლის „აბანო“.
- პარიზო და მადრიდო, ბონო და ლისაბონო,
- არაბულ ცხენს მოელის რომში ვირის აბანო...
- როგორ მშვიდად იღვიძებს პლეხანოვის უბანი,
- მაუსებმა ეჟვანი უნდა კატას აბანო!
- ხმები საკრიმანჭულე, საპირველე, საბანე,
- ნეტავ ამ სიჩუმეში ისრად ჩამასობინა,
- საბობმარლო, საპრინცო, სასტინგო და საბონო,
- „რაე“ ვერ ვთქვი, საბრინა უცებ გახდა საბინა.
- ტაიმს-ნიუ-რომანი, არიალი, საბონი...
- „ბრასელს აირლაინსად“ გადაკეთდა „საბენა“,
- ავფრანგულდი:
- „ჟევუზემ“, „სელავი“ და „სებონ“-ი...
- გვანცას უნდა დავარქვა მე დღეიდან საბინა!