ნასერი გამალ აბდელ
გამალ აბდელ ნასერი – (1918-70), ეგვიპტის სახელმწიფო და პოლიტიკური მოღვაწე, ფოსტის მოხელის შვილი. 1935 დაამთავრა საშუალო სკოლა კაიროში, 1939 – სამხედრო სასწავლებელი უმცროსი ლეიტენანტის ჩინით. მსახურობდა სამხედრო ნაწილებში ეგვიპტესა და სუდანში, დააარსა და სათავეში ჩაუდგა ფარულ პოლიტიკურ ორგანიზაციას „თავისუფალი ოფიცრები“, რომელმაც მოამზადა და მოაწყო 1952 ანტიფეოდალური და ანტიიმპერიალისტური რევოლუცია. იგი რევოლუციური ხელმძღვანელობის საბჭოს თავმჯდომარე გახდა.
1952 წლის ივლის-ოქტომბერში – საგარეო საქმეთა მინისტრი;
1952-54 – რევოლუციური საბჭოს თავმჯდომარე.
1954 წლის თებერვალ-მარტში დროებით პრემიერ-მინისტრი იყო და ასრულებდა რესპუბლიკის პრეზიდენტის მოვალეობას;
1954-56 – ეგვიპტის პრემიერ-მინისტრი და სამხედრო გუბერნატორი;
1956-დან – შეიარაღებული ძალების მთავარსარდალი და გარდაცვალებამდე ეგვიპტის პრეზიდენტი;
1963-დან – არაბთა სოციალისტური კავშირის თავმჯდომარე.
იყო მიუმხრობელთა მოძრაობის ერი-ერთი დამაარსებელი.
