ნარგიზოვანი
ნარგიზოვანი – ლირიკულ ლექსთა კრებული. ავტორის ვინაობის საკითხი დღემდე არ არის საბოლოოდ გადაჭრილი. აზრთა სხვადასხვაობაა კრებულის შექმნის დროის თაობაზეც. კ. კეკელიძის აზრით, „ნარგიზოვანის“ ავტორი გარსევან ჩოლოყაშვილია და კრებული შექმნილია XVII ს. პირველ ნახევარში; ა. ბარამიძის მოსაზრებით, „ნარგიზოვანის“ ავტორი დავით სარდალი (ორბელიანი) უნდა იყოს, ხოლო კრებული შეთხზულია 1720-85 წლებში; ა. იოსელიანი სპეციალური ძიების საფუძველზე გამოთქვამს მოსაზრებას, რომ „ნარგიზოვანის“ ავტორია იესე ბარათაშვილი; გ. მიქაძის შეხედულებით, „ნარგიზოვანი“ შეთხზულია XVIII ს. მეორე ნახევარში და მისი ავტორი მართლაც იესე ბარათაშვილია. „ნარგიზოვანი“ შედგება 11 ლირიკული ლექსისგან. თითქმის ყველა სატრფიალო-სამიჯნურო ხასიათისაა და მუხამბაზური პოეზიის ელფერი დაჰკრავთ. ლექსები დაწერილია არა გაბატონებული თექვსმეტმარცვლოვანი საზომით, არამედ 7, 8, 10, 11, 12, 13, 15 და მხოლოდ ზოგჯერ — თექვსმეტმარცვლოვანი მეტრით. „ნარგიზოვანის“ ავტორს მცირე ფორმის ლექსის ოსტატად მიიჩნევენ.
ტექსტი
- ნარგიზოვანი, XVIII საუკუნის ლირიკული პოემა, 1936.
ლიტერატურა
- გ. მიქაძე, ნარგიზოვანი, წიგნში: ქართული ლიტერატურის ისტორია, II, 1966.
იხ. აგრეთვე: [[1]]
