ნადნობი
ნადნობი – ნივთიერების მდგომარეობის თხევადი განაწილება მაღალი ტემპერატურის პირობებში, განსაზღვრულ საზღვრებში, რომელიც ნაკლებია დნობის კრიტიკული წერტილის ტემპერატურაზე და იმყოფება დნობისა და ადუღების ტემპერატურებს შორის. პრაქტიკულად, ეს არის თხევად აგრეგატულ მდგომარეობაში მყოფი ნივთიერება, რომელიც ნორმალურ პირობებში არსებობს მყარ აგრეგატულ მდგომარეობაში; ანუ ეს არის თხევადი ნივთიერება, რომელსაც გაცივების შემდეგ მყარი სტრუქტურა აქვს. ფართოდ გამოიყენება მეტალურგიაში, მინის წარმოებასა და ტექნიკის სხვა დარგებში. ნივთიერების მდნარი მდგომარეობა საშუალებას იძლევა მარტივად და დიდი მოცულობით მივიღოთ რამდენიმე ნივთიერების ხსნარი, კერძოდ, ფოლადის, ბრინჯაოს, თითბერის შენადნობები, პლასტმასები, კომპოზიტური მასალები, მონოკრისტალები, სხვადასხვა ჟანგეულების ნადნობებიდან ელექტროლიტური გზით გამოვყოთ თავისუფალი ელემენტები (ალუმინი, ნატრიუმი, კალიუმი) და სხვ.
