მუთუ

მუთუ (მოთი) – (უგარ.) „სიკვდილი“, სიკვდილის ღმერთი, რომელიც გამუდმებით ებრძვის ბაალს; იმარჯვებს ხან ერთი, ხან მეორე. როცა მუთუ მარცხდება, ის გაცამტვერებულია, მიბარებულია მიწას, მაგრამ კვლავ აღორძინდება, რათა განახლებული ძალით ეკვეთოს მოწინააღმდეგეს.

ბაალს, როგორც ქვეყნიერების მეფეს და პატრონს, აუშენებენ სასახლეს და, მისი ნების წინააღმდეგ, როგორც სიახლეს, კედელში ფანჯარას დაატანენ; ფანჯრიდან შეიჭრება მუთუ და აქედან იწყება მათი სამკვდრო-სასიცოცხლო ბრძოლა, რომელსაც დასასრული არ უჩანს.

წყარო

მითოლოგიური ენციკლოპედია ყმაწვილთათვის