მინდვრის სოკო

მინდვრის სოკო (ლათ. Clitosybe nebularis (Fr.) Kumm. რუს. Говорушка серая)

ქუდი – 7-15 სმ დიამეტრისაა, ბალიშისებრი, ხორცოვანი; ზედაპირი ჯერ ფქვილისებრი ნაფიფქითაა, შემდეგ ტიტველი, ნორჩობაში შეკეცილი კიდეებით, შემდეგ – რამდენადმე გაშლილი, ღია ნაცრისფერია ან ნაცრისფერ-ყავისფერი. ფირფიტები შეზრდილი ან ოდნავ დაღმავალი, მოთეთრო.

ფეხი – 6-10 სმ სიგრძისა და 1.5-3 სმ სისქისაა, ძირში ბოლქვისებურად გამსხვილებული, მოთეთროა.

რბილობი – მოთეთრო, ფქვილის სასიამოვნო სუნით.

სპორები – ელიფსისებრი, უფერული, 6-8X3-4 მკმ, სპორების მტვერი ღია ლიმონისფერია.

იზრდება ნიადაგზე – მინდვრებზე, საძოვრებზე და ტყისპირებში, ზაფხულ-შემოდგომით. ზოგჯერ ქმნის „ქაჯის წრეს“.

საჭმელად გამოიყენება ახალი, წინასწარ გათუთქვის შემდეგ.

წყარო

საქართველოს სოკოები