მეტუენის ხელშეკრულება 1703

NPLG Wiki Dictionaries გვერდიდან
გადასვლა: ნავიგაცია, ძიება

მეტუენის ხელშეკრულება 1703 − (ინგლისსა და პორტუგალიას შორისა, ხელი მოაწერეს 27-XII ლისაბონში ინგლისის საგანგებო დესპანმა ლორდმა მეტუენმა და პორტუგალიის პირველმა მინისტრმა მარკიზმა ალეგრეტემ. წარმოადგენდა ლისაბონის ხელშეკრულების 1703 დამატებას. ხელშეკრულების მიხედვით ინგლისმა მიიღო პორტუგალიაში სამრეწველო, მათ შორის საფეიქრო ნაწარმის უბაჟოდ შეტანის უფლება, რომელთა იმპორტი მანამდე აკრძალული იყო პორტუგალიის მთავრობის მიერ. პორტუგალიას მიეცა უფლება, შეეტანა ინგლისში ღვინო იმ ბაჟის 1/3 ფასდაკლებით), რასაც იხდიდნენ ფრანგული ღვინის შეტანაზე. ხელშეკრულებით მინიჭებული პრივილეგიების შედეგად ინგლისმა სწრაფად დაიკავა გაბატონებული მდგომარეობა პორტუგალიის საგარეო ვაჭრობაში და შეაფერხა იქ ადგილობრივი მრეწველობის განვითარება, რამაც გააძლიერა ქვეყნის ეკონომიკური და პოლიტიკური დამოკიდებულება ინგლისზე. 1836 ხელშეკრულება ფორმალურად გაუქმდა, თუმცა საუკუსენახევრის მანძილზე მისი არსებობით განმტკიცებული პორტუგალიის დამოკიდებულება ინგლისზე შემდგომშიც შენარჩუნდა.


წყარო

ქართული დიპლომატიური ლექსიკონი

მოძიებულია „https://www.nplg.gov.ge/wikidict/index.php?title=%E1%83%9B%E1%83%94%E1%83%A2%E1%83%A3%E1%83%94%E1%83%9C%E1%83%98%E1%83%A1_%E1%83%AE%E1%83%94%E1%83%9A%E1%83%A8%E1%83%94%E1%83%99%E1%83%A0%E1%83%A3%E1%83%9A%E1%83%94%E1%83%91%E1%83%90_1703&oldid=231705“-დან
პირადი ხელსაწყოები
სახელთა სივრცე

ვარიანტები
მოქმედებები
ნავიგაცია
ხელსაწყოები