მაჩქათელა
NPLG Wiki Dictionaries გვერდიდან
მაჩქათელა (Barbastella barbastellus) – ხელფრთიანი, ძუძუმწოვარი ცხოველი ღამურისებრთა ოჯახიდან. გავრცელებულია ევროპაში, კავკასიაში. საქართველოში — თბილისში, ბორჯომის ხეობაში. ბინადრობს გამოქვაბულებში, სარდაფებში. აქვს მოკლე, მაგრამ ფართო ყურები, გრძელი და ბოლოში წაწვეტებული ფრთები. სხეული დაფარული აქვს გრძელი, ბეწვით. იშვიათი და გადაშენების გზაზე მდგარი სახეობაა. საქართველოს წითელ წიგნში შეტანილია როგორც იშვიათი სახეობა, რომლებსაც ჯერჯერობით არ ემუქრება გადაშენება, მაგრამ იმდენად მცირეა რაოდენობით ან იმდენად მცირე ტერიტორიაზე გვხვდება, რომ შესაძლებელია სწრაფად გადაშენდნენ.
