მაკრინე მონაზონი

მაკრინე მონაზონი (შემონაზვნებამდე — მარიამი) (1596/98-?) – პოეტი. ერეკლე პირველის ასული. 1715 წ. მეუღლის (კახთა მეფის სახლთუხუცესის ედიშერ ჩოლოყაშვილის) გარდაცვალების შემდეგ თავისი ძმის — დავით იმამყული ხანის ნებართვით მონაზვნად აღიკვეცა ალავერდის ტაძარში. აქ ეწეოდა ნაყოფიერ ლიტერატურულ მოღვაწეობას, განსაკუთრებით ჰაგიოგრაფიისა და ჰიმნოგრაფიის დარგში. მაკრინეს საკუთარი ხელით გადაწერილი სულხან-საბას ლექსიკონისთვის დაურთავს ღვთისმშობლისადმი მიძღვნილი იამბიკური შესხმა. მასვე იოსებ ალავერდელის სახელზე შეუთხზავს პატრიოტული სულისკვეთებით გამსჭვალული ჰიმნები „სტიხნი საეკლესიონი“. მაკრინე მონაზონს მიიჩნევენ აგრეთვე იოსებ ალავერდელის სვინაქსარული „ცხოვრების“ ავტორად.

ტექსტი

• ძველი ქართული აგიოგრაფიული ლიტერატურის ძეგლები, IV, 1968, გვ. 233-238, 403-406.

წყარო

• ქართული მწერლობა: ლექსიკონი-ცნობარი