ლორთქიფანიძე რუსუდან
რუსუდან ლორთქიფანიძე − (Rusudan Lortkipanidze), ქართველი დიპლომატი, 1998-2004 წლებში საქართველოს საგანგებო და სრულუფლებიანი ელჩი იტალიის რესპუბლიკაში – აკრედიტებული სან მარინოს რესპუბლიკაში, მალტის სამხედრო სუვერენულ ორდენთან და ქ. რომში განლაგებულ გაეროს საერთაშორისო ორგანიზაციებში – FAO, IFAD, WFP.
დაიბადა 5 აგვისტო, 1947 წელი, ქ. თბილისი, საქართველო.
განათლება:
1965-1970 − თბილისის ტექნიკური უნივერსიტეტის არქიტექტურის ფაკულტეტი; მიიღო არქიტექტორის კვალიფიკაცია;
1971-1975 − ასპირანტურა საქართველოს მეცნიერებათა აკადემიასა და მოსკოვის საზოგადოებრივ ნაგებობათა სამეცნიერო − კვლევით ინსტიტუტში, 1975 − დაიცვა საკანდიდატო დისერტაცია;
1987-1989 − დოქტურანტურა მოსკოვის თანამედროვე არქიტექტურის თეორიისა და ისტორიის კვლევით ინსტიტუტში:
1993 − დაიცვა სადოქტორო დისერტაცია და მიიღო არქიტექტურის დოქტორის ხარისხი.
სამუშაო გამოცდილება:
1975-1993 − თბილისის ტექნიკური უნივერსიტეტის ასოცირებული პროფესორი;
1981-1993 − საქართველოს მეცნიერებათა აკადემიის უფროსი მეცნიერ-მუშაკი;
1993-1998 − თბილისის ტექნიკური უნივერსიტეტის სრული პროფესორი;
1994 − რომის უნივერსიტეტი „ლა საპიენცა”-ს მიწვეული პროფესორი;
2004-2007 − ივანე ჯავახიშვილის სახელობის თბილისის სახელმწიფო უნივერსიტეტის რექტორი;
2007-2008 − საქართველოს საგარეო საქმეთა სამინისტროს საგანგებო დავალებათა ელჩი;
2009-2019 − მრჩეველი-კონსულტანტი იტალიის სხვადასხვა ორგანიზაციებში.
ფლობს: ქართულ, რუსულ, იტალიურ და ინგლისურ ენებს.
მინიჭებული აქვს საგანგებო და სრულუფლებიანი ელჩის დიპლომატიური რანგი.
ჯილდოები:
ფლორენციის დიდებულთა აკადემიის კოლეჯის საპატიო წევრი;
რომის ლიტერატურის, ხელოვნების და მეცნიერებათა აკადემიის „ანჯელიკა კოსტანტინიანა”-ს საპატიო აკადემიკოსი.
